Friday, June 8, 2012

Q&A

Q&A with Jay!

J: Sige, tanong pa under the burning sun and shining stars!

- - - - -

Q: Paki-describe ang sarili.
A: Ako ang lalakeng may ganda't kaguwapuhang mas makintab pa sa ginto, mas makinang pa sa tanso. Ako si Mr. J-Kagandahan, Mr. J-Kaguwapuhan, Mr. J na may K, Mr. Bebe... Jay Calicdan na nagsasabing, "Kung ako ang pipiliin mo, we will live happily ever after!"

Q: Bakit 'Jay's Quirky World'? Ano ba ang ibig sabihin ng 'Quirky' at bakit may 'World'? Ang one thing, introvert/loner ka ba para gumawa ng sariling mundo na ikaw lang ang nakakaintindi?
A: Kaya Jay's Quirky World kasi wala na akong maisip na iba pang pangalan. 'Quirky' means 'Kakaiba' at pakidugtong na lang ang mundo. Marami nang nagsabi sa akin ng ganyan at hindi yun totoo. Wala lang akong sariling mundo, pero welcome na welcome sila dito sa mundo ko kung saan mo ito nababasa. Gets?...

Q: Bakit meron kang pipitsuging site tulad nito? Importante ba?
A: Wala lang. Contact. At the same time, pamatay at pag-aksaya ko lang ng mga mahahalagang oras tulad ng pagsusulat ng kung anu-ano na lang. Importatnte? 50/50. Dahil gusto kong kumuha ng ilang mga karanasan sa pagsusulat ng mga maikling kuwento at nobela, na maisasalin ko sa salitang Hapon at Koreano... balang araw. Masama ba yun?

Q: Bakla ka ba? Totoo ba yung chismis?
A: No.

Q: Abnormal ka?
A: Same to you!

Q: Plastik?
A: --ka!

Q: Bobo?
A: Slow learner puwede pa. Walang taong bobo pero tanga? Oo, ganyan ako minsan. Nasa harapan ko na, hindi ko pa nakikita. Hindi naman masama ang maging tanga. Ang masama e kung aaraw-arawin mo kasi matinding perhuwisyo yan, tulad ng pagtatanong mo sa akin ng mga sandaling ito.

Q: Anong kamay ang ipinanghahawak mo sa tuwing magsusulat ka?
A: Kanang kamay, at yung font e yung tipong puwedeng gamitin para sa mga horror film tapos yung size e kinakailangan pa ng magnifiying glass sa sobrang liit. Pero nilalakihan ko na kasi hindi ko rin minsan mabasa kapag ako na ang magbabasa. Totoo yun!

Q: May... daga!
A: Nasaan? Skip! SKIP! SKIIIP!!!

Q: May balak ka rin bang mag-sundalo tulad ng--
A: Wala. Kung gusto ko, edi ikaw ang mag-sundalo para sa akin!

Q: Tamad ka bang magsulat?
A: Kung may gamot lang sa katamarang magsulat, malamang, marami na akong naisulat ng kung ano na lang.

Q: Paano ka nagsusulat?
A: Panulat at papel. Matinding katahimikan, lalo na tuwing gabi, tapos, dapat meron akong isang baso ng tubig kasi pakiramdam ko, parang nade-dehydrate yung utak ko kakapigang mag-isip. Nakakasakit kasi ng ulo eh. Gabi rin akong nagsusulat kasi nga tahimik. Walang istorbo. Mid-night sale ang mga idea na libre kong nababargain sa isip. O kaya naman paminsan, basta na lang akong nagsusulat. Walang pinipiling oras kung dumating ang gana, at inspirasyon, lalung-lalo na ang pinakamahirap huliin sa lahat--ang ideya!

Q: K-pop ka pa?
A: J-pop, originally. Pero di na ako masyadong updated sa pareho. Sa kasalukuyan, pop music muna ako ngayon na madalas kong marinig sa radyo. Meron pa! Jukebox's Hits! Ito yung mga OPM na panahon pa ng 60's to 80's and gustong-gusto ko talaga.

Q: Oo lang o hindi ang puwede mong maging sagot. Hindi ka ba marunong lumangoy?
A: Ha?... ano... Oo! Hindi ako marunong lumangoy!

Q: Ano ba talaga ang tunay mong pangalan, ha?!
A: Alam mo na diba? Jay Calicdan. Kung gusto mo, isampal ko pa sa pagmumukha mo yung birth certificate ko, bakit ba ang kulit ng mukha mo Bebz Cunanan???!!! Kung makati yang keps mo, lagyan mo ng sili para masaya!

Q: Ano ba ang pangarap mo sa buhay?
A: Ang matupad ang mga pangarap ko sa buhay.

Q: Favorite radio station?
A: All time is 90.7 LOVE Radio, pangalawa ang 101.1 YES FM, at pangatlo ang 101.9 MOR. Gusto ko rin ang 98.7 DZFE The Master's Touch kasi it touches my heart and my soul of God's Words!

- - - - -

J: Nasagot ko na yung ibang tanong na gustong malaman ng mga pagmumukha niyo tungkol sa akin. May tanong ka pa? Itanong mo lang dito, Dali!!!