Thursday, October 29, 2015

Agulo: Isang Pasasalamat

Good day!

Yes! Very, very good ang ating day, gayon din sa isang good news!

Sa ikalawang pagkakataon at sa panglimang taon ng Lathala: The Literary and Arts Competition ng The Work, muling nagwagi ang inyong lingkod!

Agulo
"Agulo" Lathala V 3rd Place
Muli na naman po akong nagpapasalamat sa lahat ng mga idolo kong The Work Staff and Editorial Members, sa kanilang adviser, ang dating EIC na bumati sa akin noong matanggap ko ang parangal; si "Mayang," sa kanilang adviser, sa mga judges, at sa lahat ng mga sumuporta, mula sa kaibuturan ng aking puso, Maraming Salamat Po! Panalo na naman ang mukha ko! Ahahaha!!! Award!

Maraming nagtanong kung bakit "Agulo" ang pamagat nito. Ang "Agulo" (o 'Pakikiagulo') ay sysnonyms ng "Pangangalunya." Sa madaling salita, ito ay "Pangangaliwa" o "Pangangabit" ng isang indibidwal. Sana, hindi na 'magulo.' Hehehe...

"Hubad" ang tema ng Lathala V ngayong taon. Ito ay sumusubok at humahamon sa bawat kalahok na walang takot na hubaran ang mga lihim ng isang nilalang na kailangang isiwalat sa lahat na sumasalamin sa ating mundong ginagalawan, lalo na sa ating lipunan. Ito man ay makakasakit sa damdamin o makapagpapasaya ng manunulat na siyang magmumulat at maghahaplos sa puso ng bawat mambabasa.

Extras
Hindi ako nagsabi sa iba (kaklase, kaibigan, at kapamilya) na sumali ako sa ganitong patimpalak. Ang alam lang nila ngayon e nagsusulat lang ako, halimbawa, thesis. Tulad noong nakaraang taon kung saan pangatlo din ako sa mga nagwagi ay muli kong sinubukang lumahok nang hindi sinasadya.

Ang manuscript na ipinasa ko (pamagat: Agulo) ay naudlot kong kuwento noon pang nakaraang taon. Isinulat ko ito matapos akong magwagi sa parehong patimpalak. Muli ko itong binuhay nitong Agosto saka ipinasa ng bara-bara. Medyo mababoy ang submission ko pero tinanggap pa rin nila. Dito ako nakaramdam ng kaba at excite saka naghintay para sa awarding.

Awarding
Hindi ko talaga gustong pumunta sa awarding night dahil mayroon kaming mid-term exam. Nakakalungkot nga kasi sabay ang mid-term at awarding: pareho pang alas siyete ng gabi.

Namili ako sa dalawa, at pinili ko ang awarding.

The Work Lathala V
The Work Lathala V
Sabi ko sa sarili, malamang, hindi ako makukuha sa Top 5 ng Maikling Kuwento dahil sa mababoy na submission. Nanahimik lang ako at parang tanga na nakikipalakpak sa bawat nananalo, lalo na sa mga kapwa ko CASSmates. Kinabahan lang ako noong Filipino na ang category ng Maikling Kuwento.

Bago ang awarding ay taimtim akong nagdasal na sana, kahit pang-lima na lang ako sa mga magwawagi. Kahit pang-lima lang. Kahit nasa pinakakulelat na hanay o pinakamababa, pupuwede sa akin. Basta, may award yung gawa ko, kuntento na ako. Dito ko kasi makikita kung may progresibo bang nangyayari sa pagsusulat ko kaya gusto kong may mapala ako.

Nadismaya ako nang binasa ng host yung climax ng kuwento ng 5th Place. Hindi ito sa akin. Ganoon din ang nangyari sa pang-apat. Wala yung pangalan ko kaya umasa akong wala na sa pangatlo. Sabi ko, sayang lang ang pagpunta ko rito kasi wala naman ako sa Top Five. At dahil maaga pa ng mga oras na iyon ay nag-ayos na ako ng sarili at umalis sa awarding para humabol sa mid-term exam.

Pero... sandali akong nahinto nang marinig ko ang sinabi ng host na CASS (College of Arts and Social Sciences) student daw ang nasa pangatlo. Kinabahan ako. Nagsigawan yung ibang CASS student doon kasi CASS student na naman ang nagwagi na nakikikumpitensya sa CCS (College of Computer Studies), CBA (College of Busines and Accountancy), COED (College of Education), at COEng (College of Engineer). At doon nila sinabi ang pamagat. Kung ano kasi ang tagumpay ng isang CASS student ay tagumpay na ng lahat kaya naman, umikot yung paningin ko at natuwa matapos banggitin ang pangalan ko.

YES! Pangatlo ako! Ang panalangin ko nga, sana, kahit pang-lima na lang. Pero hindi ko akalaing ibibigay ni God ang mas best para sa akin. Sa halip na pang-lima e ginawa niya akong pangatlo! Award!

Kaya naman, para sa lahat ng mga kapwa na nagbabasa ng post na ito, "Tagumpay kong ito ay tagumpay nating lahat!" ^_^ :D

Cheers!

- - - - -

The Work is the Official Student University Publication of Tarlac State University and member of College Editors Guild of the Philippines.

2 comments:

  1. Kungrachuleyshons Jay! Ipagpatuloy mo lang 'yan at for sure next time ikaw na ang winner. #Push!

    ReplyDelete
    Replies
    1. Wow! Maraming Salamuch! :D Tagumpay ko ay tagumpay nating lahat! At isa ka na dito... from the bottom of my heart! <3 <3 <3

      Delete

Thank you for reading!
Hope to hear from you. Don't forget to share!
Follow us on FeedBurner
Like Jay's Quirky World on Facebook! Thank you! ^_^