Tuesday, November 24, 2015

Ako po si Jay

Papasok na ako sa Camp Aquino, galing TSU(-valandia), nang bigla akong hinarang ng isang lalake. Nabigla ako sa mga sinabi at tanong niya sa akin na siyang nagpakunot ng noo ko.

Kumusta na daw ako? Bakit ganito daw yung itsura ko? Bakit sa tagal ng panahon e guwapo pa daw ako at binatang-binata? Mabuti at umuwi na daw ako? Ilan na daw ang naging chicks ko? Dagdag pa niya, nabalitaan na naman daw niya na may bago akong babae.

"Ayos lang," sagot ko.

Puro ako tango. Na-corner ako nang mapansin niyang tahimik ako sa kalagitnaan ng pakukuwento niya. Bakit hindi ko daw yata siya kilala samantalang magkaibigan naman daw kami. At, mas lalo pa akong nagtaka nang itanong niya sa akin si Amanda, ang dati ko daw babae.

"Hindi ko na siya nakikita."

Napakunot ng noo yung lalake. "Teka," lumapit siya sa akin saka tinignan ang ID na nakasabit sa akin. "Anak ka pala ni Ferdy, bakit hindi mo sinabing hindi ikaw siya?"

"Opo. Ako po si Jay."

Iniwan ko yung lalake sa Gate 1 saka nagpatuloy sa paglalakad.

Napaisip ako, ganoon na ba talaga ako ka-guwapo? Ganoon ko na ba talaga kamukha si daddy? Naisip ko kasing delikado rin palang maging si daddy, nakakatakot!

2 comments:

  1. Replies
    1. Hala! Mali yung nailagay ko, ahahaha!!! Sorry na, last ko na ito.

      And yes, mistaken identity talaga, pisti lang di'ba, haha.,

      Delete

Thank you for reading!
Hope to hear from you. Don't forget to share!
Follow us on FeedBurner
Like Jay's Quirky World on Facebook! Thank you! ^_^