Thursday, July 28, 2016

Bookmark

Nagkaroon ako ng pagkakataon para makalkal ang mga naiwan niyang gamit sa kanyang kuwarto. Nakita ko roon ang mga iniwan niyang litrato, libro, damit, at magandang higaan. Parang hindi pa rin siya nawala...

Nakita ko sa ibabaw ng sulatang lamesa ang kanyang journal. May takot man akong buklatin iyon dahil baka magalit siya, nagpatuloy pa rin ako sa pagbabasa ng maiikli nitong entry.

Maya-maya, nalaglag sa paanan ko ang blue bookmark na ibinigay ko noon sa kanya bago ko siya iniwan. Nakaipit ito sa isang entry na nagsasabing iyon daw ang araw na hindi niya malilimutan: ang araw ng kasal ko sa aking asawa. Napansin ko din na mayroon itong marka ng kanyang halik saka inipit sa kanyang journal.

Masaya daw siya para sa akin, kahit masakit na nakikita niya ako sa iba. Liligaya na daw ako at hindi na malulungkot. Dagdag niya, habang nasa kanya ang bookmark ko ay hindi niya daw ako kalilimutan.

Kinuha ko ang bookmark nang mabasa ito. Hindi para bawiin ang pagmamahal na ibinigay ko sa kanya kundi, upang lumaya na siya sa lungkot ng pagkawala ko sa kanya.

4 comments:

  1. Anong dahilan at hindi naging kayo...

    ReplyDelete
  2. Ugh!! I sort of have the same sentiments talaga.. Thanks for sharing Jay :) Hope to read more from you pa!

    ReplyDelete
    Replies
    1. Wow! Salamat Simon! hehe
      sure basta ikaw :D

      Delete

Thank you for reading!
Hope to hear from you. Don't forget to share!
Follow us on FeedBurner
Like Jay's Quirky World on Facebook! Thank you! ^_^