Thursday, November 24, 2016

Metamorphosis

Hindi ko na sana binuksan pa ang aking mediafire account. Hindi ko na sana binuksan ang isang magazine layout ng 3B na nakabasura sa isang folder. Hindi ko na sana nakita ang class picture, lalo na nang muli kong makita ang kanyang pangalan at mukha. Muli kong naalala sa kanya ang lahat, at nakaramdam
ng kaba at matinding pananabik na matagal ko nang hinahanap-hanap.

Nagbabalik ang mga alaala. Ang mga panahon na kasama ko siya sa eskuwelahan. Ang mga panahon na magkatabi kami sa likod, sa gitna, o sa harap. Ang bawat ngiti at saya ng kanyang mukha na siyang naging dahilan kung bakit ako sa kanya ay nahulog at naakit. Napakasarap sariwain ng lahat. At oo, hindi ko siya kinakalimutan kahit kailan.

Kung anong saya ko na muling makita ang layout na iyon ay siya ring lungkot na bigla kong nadama. Dahil kung kailan ako sana ay magtatapat na sa kanya ng pag-tingin noon ay bigla siyang nawala. Hindi ko na nakita kahit kailan. At wala na akong narinig ni isang balita tungkol sa kanya.

Aaminin ko na nagsisisi ako kung bakit hindi ako agad nagtapat sa kanya ng pag-ibig. At hanggang ngayon, hindi pa rin ito nagbabago dito sa puso ko.

Nasaan na kaya siya? Kumusta na kaya siya? Ano na kaya ang kanyang pinagkakaabalahan? At... mayroon na ba siyang bagong minamahal? Sana nga, meron dahil alam kong doon lamang siya liligaya. Masaya na ako kung ganoon.

Humihingi ako ng pabor sa sino mang mga makababasa nito. Na kung makakakita ka ng isang class picture na tulad nito ay hayaan mong pagmasdan ito ng sandali. At kung sakaling nakita mo nga siyang naroon sa class picture, sabihin mo lang sa akin. Iyon na ang hudyat na siya ay magbabalik...

Sunday, November 13, 2016

Call For Submission

"Sasali sana ako pero huli na. Huli na! Huli na akooo!!!"

Huy! Drama mo. Nahuli ka ba sa nakaraang writing contest ng Haraya? Sa mga patuloy na naghihintay at umaasa, hey! Heto na! Heto na! Sali na, mga ka-haraya!

#HarayaMgaHinabingSalitaWritingContest

Para makasali, sundin lamang ang mga General Guidelines

1. Only those who liked our page join the contest.

2. Share this post.

3. Admins in this page cannot join the contest.

4. Contestant may join both category (Maikling Kwento and Dagli)

5. Contestant can send only one entry per category.

6. Those who had received National Literary Awards like Carlos Palanca Literary Awards can no longer join the contest.

7. For Maikling Kwento, entry must be composed of no less than 1,000 and no more than 5,000 words.

8. For Dagli, entry must be a collection of 3 Dagli, each must be composed of no less than 5 and no morethan 500 words.

9. All entries should follow the prescribed format: Times New Roman, 12 pt., 1.5 spacing, 1 inch margin on all sides, 8.5 x 11 document with page (Ex. Page 1 of 10) at the bottom center.

10. Entries will remain as the participant’s property. However, Haraya: Mga Hinabing Salita reserves the right to publish or use them in any activity.

11. Entries must be original and have not received any awards before the deadline. Works that have been published online (personal blog and personal face book account only) may be submitted. Those have been posted in any Facebook pages and other websites other than the personal account of contestants should not be submitted.

12. Real name, pseudonym, or any clue to the identity of the writer must not be written on the pages.

13. Judges composed of established authors, critics and academicians will select and declare the winners. The decision of the judges is final.

14. The judges will evaluate entries as a whole body of work.

15. The judges may declare no winner in a category depending on the merit of the work.

16. All participants must submit the accomplished Entry Form, Certificate of Originality together with their entry at harayamgahinabingsalita@gmail.com on or before December 9, 2016.

17. You can download the entry form and Certificate of Originality here:

*doc: https://drive.google.com/file/d/0B17qBp8uIAAlWnpmUm5YLVJuQzQ/view?usp=sharing
*pdf: https://drive.google.com/file/d/0B17qBp8uIAAlaHRIT2lGRW5ITnM/view?usp=sharing

18. Entries that do not comply with the requirements will not be processed.

19. Haraya Mga Hinabing Salita have the right to edit (technical editing) the Winning Entries for book publication. Entries that had a merit but did not won may also be edited and included in the anthology.

20. Winners will received the following Prizes:

MAIKLING KWENTO
First Prize- 500.00 Php Load and the future anthology
Second Prize- 300.00 Php Load and the future anthology
Third Prize- 200.00 Php Load and the future anthology

DAGLI
First Prize- 400.00 Php Load and the future anthology
Second Prize- 200.00 Php Load and the future anthology
Third Prize- 100.00 Php Load and the future anthology
Winners will pay for the Shipping Fee that may incured in sending the anthology.
Those work that will be included in the anthology will also received a free copy of the anthology.

21. By joining #HarayaMgaHinabingSalitaWritingContest , all participants are deemed to have accepted the rules of the contest and the terms and conditions set by the organizing committee

22. For queries, message us here or in harayamgahinabingsalita@gmail.com. You may also call or text +63948-543-9905.

O, kaya ano pang hinihintay ninyo mga Ka-Haraya, sali na!

At iyan ay inihatid sa atin ngayon ng Haraya: Mga Hinabing Salita at ang blog site na ito.

Bisitahin ang kanilang blog site sa harayamgahinabingsalita.blogspot.com at ang kanilang Facebook page sa www.facebook.com/harayamgahinabingsalita para sa mga karagdagang kaalaman.

"Sige, sige! Sasali ako!"

Wednesday, November 9, 2016

RA 8285

Dumating noon si tatay sa bahay na halos bumagsak sa sahig sa sobrang lasing. Naabutan niya ako sa sala na nakikipaglaro sa aso kong si Medyas, isang Akita, na iniregalo sa akin ng isang kaibigan.

"Itali mo yung aso. Sumama kayo sa akin."

Ginawa ko kahit ayaw kong gawin. Iyon ay dahil ayaw kong ihampas na naman ni tatay sa akin ang kapaki-pakinabang niyang belt.

Hila-hila ko si Medyas na sumakay ng isang tricycle at nakarating sa isang colesium. Natuwa ako dahil napakarami kong nakitang magaganda at malalaking aso. Pero nakakatakot dahil matatapang at galit sila sa kapwa aso. Malalakas sila, malalaki ang pangil, at naglalaway. Palagay ko, ganoon ang uri ng mga asong ma-rabies.

Binigyan ni tatay si Medyas ng isang pirasong biskwit bago dinala sa likod. At pagpasok namin sa colesium, tumambad sa akin ang libo-libong mga kalalakihang naghihiyawan, nagpapasahan ng mga pera, at panay hithit-buga ng sigarilyo.

Hindi na ako nakapagsalita nang makita ko si Medyas sa entablado. Kasalukuyan na pala siyang nilalapa ng isang mas malaki pang aso kaysa sa kanya. Pinag-aaway. Pinagpupustahan ng lahat kung sino ang mananalo sa kanilang dalawa. Nakakulong silang dalawa. Walang takas. At walang kalaban-laban ang aso kong si Medyas na nagkalat ang dugo sa buong entablado. Nakiusap ako kay tatay na iligtas si Medyas pero malalakas na sampal lang ang ginawa niya sa akin.

Maya-maya, nagalit si tatay. Natalo daw ang aso kong si Medyas na hindi man lang daw lumaban. Panay pa ang hambalos ng kanyang belt sa sugatang katawan ni Medyas at sinisisi ang pagkawala ng pusta niyang galing pa sa kanyang sahod. Gusto ko siyang ipagtanggol pero takot ako sa nanggigigil na kamao ni tatay.

Nagmadali si tatay na itinali si Medyas sa likod ng tricycle. Pigil ang luha ko noon na pinagmamasdan si Medyas na walang lakas na humahabol sa likod namin. At kung alam ko lang na ganito ang sasapitin niya, malamang, mailalayo ko siya dito. Hindi pinakikinggan ni tatay ang pakiusap kong pahintuin ang tricycle at dalhin si Medyas sa pagamutan. Hindi na siya naawa sa duguan kong aso na halos mailampaso na sa lupa.

Maya-maya, huminto kami sa isang liblib. Nakakita ako ng dalawang malalaking lalake. Yung isa, nakasakay sa truck. At yung isa, hinila si Medyas at dinala sa isang maliit na kulungan sa likod ng truck. Selyado ito ng makakapal na yero na walang liwanag sa loob. Pero bago pa siya makapasok, nakatikim si Medyas ng malulupit na hampas sa lalake na nagpahiyaw kay Medyas na nagpupumiglas. Puwersahan siyang nilagyan ng lata sa nguso na nagsilbing busal para hindi mangagat na nagpahiyaw sa akin. Nakikiusap na huwag siyang saktan.

Pinatay nila doon si Medyas sa pamamagitan ng pagbubuga ng maitim na usok ng truck. Nakakapanlumo silang lahat. Lahat. Lahat sila. Hindi ko alam kung bakit nila ito ginawa sa amin. At hindi lang siya nag-iisa, marami sila!

Niyakap ko ng mahigpit ang walang buhay na katawan ni Medyas. Hinila ako ni tatay bago ihinagis ang katawan ni Medyas sa malaking kahon na bakal na magpipitpit sa ibang aso para maging isang buong karne.

Hindi ko na nakayanan pa ang mga sumunod na nangyari. Hindi ko na pinanood kung ano pa ang gagawin nila kay Medyas at sa ibang aso. Basta, ang alam ko, natulog ako kinagabihan habang nag-iinuman ang mga barkada ni tatay. Walang ibang pulutan kundi ang karne ni Medyas.